Ballguy n ORing 生活雜記

頭罩佬。少年輕狂, 成日唔飲水..

上年睇過一次醫生做過放尿手術, 前幾日又突然見佢Mou係廁所去唔到.. 夜晚9點幾打去睇開既、同朋友介紹既診所.. 都話唔想好等到聽朝, 好危險, 叫我搵24小時晚, 結果終於去到~又照超星波又照X光, 醫生話龍爺膀胱有腎石, 要盡快做手術開刀拎出黎.. /_\開完要留一晚院..

係手術後18小時, 姑娘打黎話佢有少少發燒, 建議留多一日院..
話可以係夜晚9點去探病.. 我諗又諗.. 到底見到佢, 佢會以為有得走.. 點知又要訓多晚.. 咪仲唔開心?? 但又好掛住佢T_T

結果都係決定去睇下佢~
但係手術後24小時, 醫生仲打黎話似乎仲有細細細石未清, 又塞左尿道.. 講左好多句唔好意思話要聽日再開一刀再清.. 第2次既手術費佢負責.. 佢果種好真心既歉意真係聽到我覺得好恐怖.. 好似手術失敗既感覺..

但跟住冇耐.. 佢又打黎話..比左d鬆弛肌肉既藥佢食~~佢去到喇~仲好大篤~~ 佢話痾到姐係應該都排左出黎~~應該~就冇問題架喇~~仲叫我當晚就接佢... 有得返屋企喇~~

但有得返屋企都係另一場戰鬥....
冇得除頭罩.. 食野好困難.. 飲水好困難.. 有4-5種藥要食..又係大作戰.. 好彩上年有經驗.. 而家識得餵藥喇~

室友阿祥對離開過屋企既病人表示又極度憤怒!!! 不斷嘶嘶嘶嘶嘶!!!!!!!!!!!! 好彩屋企有房, 返工時可以隔開兩個大爺!!
好彩阿祥唔爭佢d病人罐罐....

第一晚返到黎.. 貓仔眼又殘.. 抽過血對手仔又腫..抖左兩日精神返d~~~

身為奴才身心都好累.... 仲要覆診... 仲要有日返去拆線...
呢兩日醫院都打過黎問情況同有冇去廁所...

同埋... 要努力搵錢幫補喇...
淨係搭的士都超過左成世人喇.. 唔好講醫藥費喇....哇哈哈哈..........................

我去畫野喇.../口\~~~~~~~

飲多d水啊各位貓友~~~~~~~~~~~~~~~~~~~