哈哈哈哈煩hi寫日記超高速擱置
最近好似過住好自閉生活... 但畫公仔好開心~~~~

By ring

20150329

累到嘔喇, 搬左幾轉  以後唔住村屋喇~~~
搞左成個月, 身心都超累...
仲爭兩張書台送黎就終於可以舒舒服服過新生活喇~~~~~~~~~( •̀ㅁ•́;)

20150324

又幾日無打喇~~~~~
星期五！做左d咩？唔記得喇~
星期六同ballguy返左長洲拎訂左既新郵票~~真係超靚~~~
食埋通記又返舊屋執野同清潔...仲有好多野..頭都暈...又一人一車返返新屋~~~
跟住應該又係hea左一晚咋？？唔記得啦

星期日起身落左油麻地買marker!!!!因為最近有幾百蚊賺！一次過揀左9次筆XDDD說好的一個月一支呢
買埋貓砂就返屋企~~~打陣機又落下街行下~~~再返老家食飯~~~得老豆阿媽係度
拎左新玩具返黎喇~~~但未玩得...玩得要打開箱文！！！！！

20150319

話咁快就有幾日冇打..

20150316搬完屋既休息日....做過D乜..又唔係好記得...

返工..放工返屋企hea....執下野咁....

20150317搬完屋既休息日??? 我真係唔記得我做d乜喇!!!!

返工..放工返屋企hea....執下野咁...係唔係啊???唔係囉

我記得喇~放工返左ballguy舊屋同屋企人食個飯~

去之前上左炮炮屋企畢貓屎~(不過係畢左兩日都冇見過d貓..)

返上樓執下野~就返返新屋~~

20150318好記得食左條好好食既cupcake好記得好記得好好好好味~!
放工自己返左長洲執下d雜物..(都仲有好多野未搬)

好多野必須要拎左出黎先~~~d碗碟呀~洗衫籃呀~隻鑊呀咁~加加埋加一加手推車+一大袋....

拉住出返黎仲樣衰過水貨客...出到中環竟然撞到民哥囉...唉!平時又唔見撞到佢!

20150319又係返工放工啦~~

今日放工ballguy返屋企先~我就走去街市買送~
好感動..到去未夠7點..好多好多好多送賣...仲要好Q平T__T
(同埋之前要8點先返到長洲..加上長洲得幾檔送)
買肉買菜買腸仔~返屋企~不過唔係煮飯~~
落左街食野~~~跟住去行惠實~~~~買左兩張一樣既書枱~~~XDDD
50吋長一張.....其實有D細張D電腦枱~不過差唔多價錢, 大家都想大家用得舒適d~~
結果無懼蝸居~~~~不過要等送貨..
點解惠實可以係"7個工作天內送, 冇得約實, 送貨前一日師傅通知你"XDDDDD會唔會太串

之後再行下759~~~就返屋企~~~

因為之前搬屋唔記得拎條HDMI線~所以去左買~而家拎返黎~變左屋企多左條~
多手將Ballguy部notebook駁左落個26吋電視機度玩小朋友齊打交2 XDDDDDDDD
仲要佢用notebook, 我用無線keyboard咁玩..好爽哈哈哈哈哈哈哈哈哈

而家係20號6點40分.....

打完日記準備去蒸飯~~~~~~

20150315

星期日~ 今日終於係由長洲搬返出黎既日子~~
一早8點半起身, 我地既幫手羊仔已經入到黎..@@ 係通記開定位等我同ballguy...
食完早餐就返上去搬野喇~先係搬哂d野出門口..
然後兩位男士就開始瘋狂搬野落樓下.... 又上又落左好多轉..
(我就只係行左3轉...)到咁上下就開始將兩隻契弟入袋..
阿龍好快就放到入去..祥仔就入左幾次都唔成功..
最後ballguy返黎tum左佢一輪..兩個人先放到佢入去..

佢應該係知乜事架~因為反抗完又走返出黎冇哩埋...

跟住拎住兩隻貓落樓下同佢地將d野扎到一車車...
之後就推出碼頭..@@佢地推..我繼續只係睇野同睇貓.....

終於搭到2點半船....足足搬左3個幾鐘...(佢地兩個)
其實有4架板車既貨+床褥...計埋3個人船錢同2隻貓錢都係315蚊...比我想像中平好多~_~

落船幫手2號felix都黎左..佢可以一個人托起我張雙人厚床褥由船斜板跑到去馬路...
咩事...............會唔會太勁.....

跟住我同羊仔就搭地鐵~佢地跟車過去新屋lu~~~差唔多時間到~~~
搬完野上去我就等pccw師傅上黎裝上網...佢地落街食野~~
一路等一路自己插返哂d電腦線..

貓仔一放出黎就搵地方哩...
上左床又唔肯落返黎~~~~~~

等到搞掂哂都已經6點幾~再落街買下野..佢地竟然可以開機打........
啊..應該係試緊個喇叭線..應該係..

跟住一齊返返ballguy舊屋~食個m記~~~~
再返上去拎少少野去新屋~~~~真正同居生活開始luuuuuuuuuu~~~

仲有好多野係長洲未拎過黎呀!!!!!!!!!!!!!!!!!!!!!!!!!!!

20150314

話左要煩膠自high式打Xanga咁打返日記.......... 忙都要開始喇..XDDDDDD
有gmail既大家可唔可以都開返blogger, 得閒留下言比我..!!!!!係"留CM"比我........

今日9點幾就起身...玩電腦...(笑左..第一句我自己就笑左)
到到12點幾1點就去同ballguy食通記~~~~
食完就返屋企坐一坐就開始執屋喇~聽日就搬屋喇T0T
開始要瘋狂執屋.. 因為新屋好細.. 要掉咁D無謂野..
咁逐樣睇啦.. 執執下我發現D我幾年冇郁過既野........

以前我竟然係會儲起哂D單..仲要係後面寫係買左D乜..(應該17、18歲果陣既事)
仲要用信封入起哂.. 出糧糧單又用file入好哂.. 信用卡銀行信又用file排好哂入好哂..
我係係咁架咩?而家d單應該只會一舊野咁係我袋深處..甩哂色先發現..
近年d糧單都係未返到屋企係公司四圍攝..銀行信強積金信拆都唔拆攝埋一二邊.........

結果就係先係狂撕信同糧單..之後仲變左入起一袋決定拎返公司碎算數.....

然後第2樣恐怖野就係.. 放係電腦枱同飯枱上面既細件立雜野..竟然可以執滿兩個細紙皮箱=_=
再跟住就係執衫....... 其實呢幾個月都冇摺過衫..冇用過櫃桶..一堆咁放或者掛住就算..
結果逐件執逐件摺爭d斷氣...

其實我有6,7成衫都係人地比.......... 今次終於都掉一堆衫.....
掉左三袋....=_=但都仲有2大袋同2個膠箱..... 我應該係唔多衫掛!???都咁多!!!人地多果d點算!!!!!

斷氣前終於同ballguy落左m記食晚餐.. 出左芝士薯波~~~~
一人加左一盒5粒黎食~~~~好好味哦~~~~~~~~~~~~

跟住返黎hea下又繼續執.......好痛苦啊...........T_T
執到而家1點先去沖涼準備訓教..........

by Ring

發現新大陸

銅鑼灣新飯堂！

雞扒帶子蛋包飯~~

牛肉蛋包飯~~

有湯有野飲又好味!♥♥♥

終於買左copic marker!!買左4支..咁大把~ 目標係一個月一支!!! (我既Pandora~~~哈哈) by Ring

最近在忙的事

最近在忙的事...... 「小朋友齊打交2」, keyboard就快爛.....

小分享(兼for自己日後唔記得時用):

無法連線遊戲!!

發現因為近年而家大家都用wifi router,  (開發game時未咁多wifi router吧?)
所以如果想同人連機一齊玩時 
只要用wifi router, game入面出既ip出來ip都係虛擬IP, (逢係168字頭既, 9成9都係虛擬IP..)
所以如果虛擬IP同虛擬IP...係永遠~唔可以連到機.....

TP-Link router解決方法:
用IE係網址列打入:http://192.168.1.1/
按enter登入~

揀左邊Forwarding, 再揀Virtual Servers --> "Add new" 

Service Port: 12345 (小朋友齊打交port)

IP Address: (開game揀連線遊戲後顯示果個ip就係)

Protocol: ALL

Status: Enabled

Common Service Port: (就唔洗揀了)

save之後去http://checkip.dyndns.com/
再將呢個ip比你朋友, 你就等待玩家可以喇~~~~

應該係咁啦, 我都唔係好知係咪咁講..原理亦都唔明白!
總之呢個就係解決方法啦~~總之我試過係得喇~~~~
小朋友齊打交2 下載點: http://lf2.net/download_links_b5.html
小朋友齊打交2 出招表: http://lf2.net/control.html

好好好好玩T_T

去日本 美山町~

2015年1月~ 突然計劃去日本關西5天小旅行
諗下不如果去一直以黎夢想去既白川鄉~但係路程好似有D遠同埋有D貴車錢
只得5日假期好似去得冇咁開心..但結果無意中搵到京都美山町
呢個地方..
美山町都有雪咧~茅草屋~啦啦啦~一樣咧~~~

終於在2015年1月10日去左美山町かやぶきの里

=====去美山町交通=====

去京都去美山町 大致都係 JR+巴士, 或者觀光巴士~
我地選擇左最平既方法JR+巴士方法去~
姐係要兩程JR+兩程巴士~只要睇準時間間~其實係超易去~!!

先去睇睇 南丹市役所 整既時間表~(因為聽講幾個月會轉一轉時間, 去之前一定要睇清楚)
http://www.city.nantan.kyoto.jp/www/event/104/003/003/index_1940.html

基本上搵到自己出發時間就對了~

我地出發係星期六, 所以跟土曜日時間~~

8:00係京都出發~ 8:46到到園部站後, 8:51車會再開出~

但要注意只有前半架列車會開~~~~~所以必須在園部看清楚是否已經走去前面車卡!

搭多幾個站就會去到日吉站~~~~~

到去日吉~出去車站就見會見到得幾架巴士~ 基本上上車 拎張紙寫個"北"字問問司機就可以

到到下佐佐江站~落車就係對面等第2架車~~~日本不論巴士JR都好準時~基本上31分見到車我地就上車lu~ 到到北站就落車~~~~~

======================

講完交通就要講下我地lu~

前一晚網上問一個有關美山facebook page 呢幾日有冇落雪或者積雪~ 有限会社　かやぶきの里

於是今日就準時出發~~~~ 係火車站搵站時有d混亂@@

但都叫做順利上左車~去到日吉站爭d唔識落車轉~

轉車時開始落雪喇~~~~~~~~~~~~~~~~~~~~~好開心啊~~~~~~~~~

我地都係第一次見雪哈哈哈哈哈~~~

但開返車時見到簡直係橫雪..o_o兩個個心都有dddd驚哈哈哈

去到園部時.因為成車都冇人落車~車門又唔會自動開~(自己按制先會開) 月台又完全冇人

我見到架車停底直頭唔知已經停左站......好彩個心諗一諗, 突然覺得要落車啊啊啊啊啊!!!

哈哈哈全車只有我地落車lol好彩落得切

落到車冇指示~但係上網睇過所以知道要自己過返"車站站頭" 掉返張飛落去個箱度~
個站係簡單到完全冇指示, 完全冇職員o_o

但之後搭巴士都好順利~全程巴士有另一對講普通話男女同行~冇其他人喇~
地圖係第2程巴士司機比既~

一去到就瘋狂玩雪嚕... 我地係兩個未見過雪既鄕下仔哇哈哈哈哈哈~

四圍都冇人~只要冇大嗌嘈吵..完全係點玩都冇影響到人....~~~~

不明--上面既字寫住美術館

行左一陣 見到有架車寫住 "有限会社　かやぶきの里"

影左張相~send返去個page同佢打聲招呼~

去左食野~呢度只有兩三間野食~我地揀左呢間”お食事処きたむら”

呢個鯖魚そば真係好好好好食~~

食完又寫下卡~~~~呢張好靚~~~~

有限会社　かやぶきの里問我:現在，村茅草？

我話：今 手打そばの店

然後繼續寫卡～突然有個　女職員同我地講普通話"謝謝"!

我呆一呆, 佢指住佢電話, 哈哈哈哈原來佢就係開果個page既人!!
好開心~~~Ballguy同佢傾計~~~我零日文全程笑笑笑笑!!
(但我聽到句shirakawa, 係ballguy唔識既日文!!!!)

跟住同佢交換左facebook, 原來佢個人facebook係每日都會update美山實況!

係好愛好愛自己村落既日本女性!

食完野又繼續行~其實呢度唔大~數埋都係40戶口家左右~

雖然Ballguy係度整雪人仔~~

日本後生仔走過~話 "めちゃかわいい"~~~哇哈哈呢句tum得ballguy好開心~

去到邊都要做引體上升~

茅草屋~~~~

行個圈又見返佢~

佢真係好鍾意佢~

呢個係我地既打雪球遊戲~~~我掟過佢去打...但其實係打左3球我都完全掟到九唔搭八~

笑到碌底

總之呢~~~~~呢度其實唔大~好細~~行一陣就會行完~~~

可能因為係我地大鄉里第一次玩雪見雪~玩到好開心同睇到覺得超級無敵靚~~~

好少好少好少好少遊客~~~~好多時成條路都冇哂人~~~又唔商業化~~~
因為去關西無論大阪定京都都四圍都係廣東話~~~
呢度感覺係淨土啊~~~~~~~超級開心既一段行程~~~呢兩個鐘頭車係冇浪費架~~~~~

哈哈哈哈~~好想再黎~~~我已經唔洗去白川鄉喇~~~~

然後睇果個女仔facebook~每日都覺得好神奇~~
係點燈"雪燈廊"期間好似比較多人~~

我會想再去啊~!!!

唔好病啊！！！！

哇哈哈, Ball媽令我笑足幾年既真實對白

天氣忽凍忽熱又突然落雨或者超潮濕, 弱少少都好易病! 病左仲要大排長龍睇醫生, 保重呀各位!!!